درگیری مسلحانه در مرز افغانستان و تاجیکستان؛ دو مرزبان تاجیکستانی کشته شدند.
منابع محلی در شمالشرق افغانستان گزارش دادهاند که در پی تیراندازی از خاک افغانستان، دو مرزبان تاجیکستانی کشته شدهاند. این منابع روز چهارشنبه، ۳ جدی، تأیید کردهاند که این رویداد در نوار مرزی میان دو کشور رخ داده است.
به گفته منابع، مرزبانان تاجیکستانی در واکنش به این تیراندازی، دو فرد مسلح را که از سمت افغانستان بهسوی خاک تاجیکستان شلیک کرده بودند، هدف قرار داده و کشتهاند.
این درگیری در ساحه مرزی میان ولسوالی شهر بزرگ ولایت بدخشان و ولسوالی چاهآب ولایت تخار رخ داده است.
یک منبع دیگر گفته است که مرزبانان تاجیکستانی در جریان درگیری با قاچاقبران مسلح جان باختهاند و تاکنون هویت دقیق مهاجمان روشن نشده است.
این رویداد در حالی گزارش میشود که پیشتر نیز حملات امنیتی در این نوار مرزی ثبت شده بود؛ از جمله کشته شدن چند شهروند چین در خاک تاجیکستان در پی حمله پهپادی و تیراندازی افراد مسلح مرتبط با طالبان.
