منابع محلی در ولایت فاریاب تأیید کرده‌اند که طالبان ۶۶ تن از استادان دانشگاه این ولایت را از کار برکنار کرده‌اند. گفته می‌شود که ۴۰ تن از این افراد را زنان تشکیل می‌دهند.
براساس اطلاعات موجود، طالبان تنها از دانشکده تعلیم و تربیه، ۱۵ زن اوزبیک‌تبار را برکنار کرده و استادان پشتون را در پُست‌های‌شان حفظ کرده‌اند. شماری از استادان برکنارشده دارای تجربه طولانی‌مدت و مدارج علمی بالا بوده‌اند.
گزارش‌ها نشان می‌دهد که یک چند استادی اوزبیک در وظیفه باقی مانده اند بس، اما اکثریت به‌گونه کامل اخراج شده‌اند.
برکناری هدفمند کارمندان غیرپشتون در ادارات دولتی، به‌ویژه در مناطق شمالی، بخشی از سیاست قومی و تبعیض‌آمیز طالبان خوانده می‌شود. این اقدامات در هفته‌های اخیر، انتقادهای گسترده داخلی و بین‌المللی را برانگیخته است.
