کشته و زخمی شدن چهار طالب در درگیری مرزی میان طالبان و تاجیکستان.
منابع محلی از وقوع درگیری تازه‌ای میان نیروهای طالبان و مرزبانان تاجیکستان در ولسوالی شهر بزرگ، منطقه داونگ خبر می‌دهند. به گفته این منابع، درگیری شامگاه گذشته رخ داده و چندین ساعت ادامه یافته است.
براساس گزارش‌ها، در این رویداد چهار طالب کشته و زخمی شده‌اند، اما تاکنون هیچ جزئیاتی از تلفات احتمالی نیروهای تاجیکستان در دسترس رسانه‌ها قرار نگرفته است. وضعیت در مرز همچنان متشنج توصیف می‌شود.
پس از وقوع درگیری مرزی میان طالبان و تاجیکستان منطقه شکل نظامی به خود گرفته است.
روابط طالبان و تاجیکستان طی سال‌های اخیر پرتنش بوده است. طالبان تاجیکستان را متهم می‌کنند که به جبهه مقاومت در خاک خود پناه داده است، در حالی که تاجیکستان نیز به دلیل داشتن مرز طولانی با افغانستان همواره نیروهایش را در حالت آماده‌باش نگه داشته است.
