عبدالباری عمر، رییس اجرایی شرکت برشنا، در سفری به تاجیکستان با دلیر جمعه، وزیر انرژی این کشور دیدار و درباره پروژه “کاسا-۱۰۰۰” و انتقال برق از تاجیکستان به افغانستان گفت‌وگو کرد.
به‌گفته شرکت برشنا، آقای عمر در این دیدار تأکید کرده است که امارت اسلامی تلاش دارد با همه کشورها، به‌ویژه کشورهای همسایه و اسلامی، روابط خوب اقتصادی و سیاسی برقرار کند.
وزیر انرژی تاجیکستان نیز در این نشست از همکاری با افغانستان در زمینه انتقال برق، و نیز برای تقویت ثبات و امنیت، ابراز خرسندی کرده و افغانستان را یک کشور مسلمان و دوست تاجیکستان خوانده است
