ارگ طالبان اعلام کرده است که هیأتی از امارت اسلامی به ریاست ملا عبدالواسع، رییس دفتر ریاست‌الوزرا، به اوزبیکستان سفر کرده و در دیدار با مقام‌های آن کشور درباره گسترش همکاری‌های اقتصادی، سیاسی و ترانزیتی گفت‌وگو کرده اند.
این دیدار در بازار بین‌المللی سرخان‌دریا انجام شده و طرف‌ها بر تقویت روابط دوجانبه تأکید کرده اند.
ملا عبدالواسع با اشاره به تأمین امنیت در افغانستان گفته است که امارت اسلامی از سرمایه‌گذاری کشورهای منطقه، به‌ویژه اوزبیکستان، در بخش‌های زراعت، معادن، صحت و انرژی استقبال می‌کند.
در حاشیه این سفر، هیأت امارت اسلامی هدیه سنگ مرمر برای مزار امام بخاری (رح) را نیز به مقام‌های اوزبیکستانی اهدا کرده است
