تاجیکستان طالبان را به توقف استخراج طلا در مرز هشدار داد.
تاجیکستان گروه طالبان را در مورد توقف استخراج یک معدن طلا در نوار مرزی هشدار داده است.
یک ویدئو تازه منتشرشده در شبکههای اجتماعی نشان میدهد که یک فرماندهی مرزی تاجیکستان در تماس تلفونی با مسوولان طالبان، هشدار میدهد اگر کار استخراج متوقف نشود، تاجیکستان اقدام خواهد کرد.
این فرمانده تاجیکستانی میگوید معدنکاران در منطقه آویز ولسوالی شهر بزرگ ولایت بدخشان حدود ۲۰۰ متر وارد خاک تاجیکستان شدهاند و طالبان در برابر این تخطی مرزی اقدامی انجام ندادهاند. به گفته او، شرکتهای استخراج طلا در حال فعالیت در منطقهای هستند که به ادعای تاجیکستان، داخل قلمرو آن کشور قرار دارد.
منابع محلی نیز تایید کردهاند که طالبان با شراکت در پروژه استخراج این معدن تاکنون به هشدارهای تاجیکستان واکنشی نشان ندادهاند. به گفته این منابع، احتمال درگیری میان نیروهای مرزی طالبان و تاجیکستان وجود دارد و پیشتر نیز چنین تنشهایی در این بخش از مرز رخ داده است.
