استقبال صمیمانه از فرهاد دریا در سفارت افغانستان در تاجیکستان.
فرهاد دریا، هنرمند برجسته و شناختهشدهٔ افغانستان، امروز با حضور در اقامتگاه سفیر افغانستان در تاجیکستان، معروف به «افغانستان کوچک»، با سفیر و نمایندهٔ سیاسی مردم افغانستان، دگرجنرال محمدظاهر اغبر دیدار کرد.
او در ادامه با گروهی از متعلمین و معلمین حاضر در این مرکز فرهنگی ملاقات نموده و فضایی آمیخته با صمیمیت، انگیزه و الهام را برای شاگردان رقم زد.
سفیر اغبر در این دیدار «افغانستان کوچک» را خانهٔ مشترک همهٔ شهروندان افغانستان توصیف کرده و بر گشودهبودن دروازههای سفارت به روی تمام اقشار جامعه تأکید نمود.
او با اشاره به جایگاه فرهنگی و اجتماعی هنرمندان گفت که هنرمندان، شاعران، ورزشکاران و سینماگران کشور، پلهای زندهٔ ارتباط و پیوند میان ملتها و تمدنها هستند.سفارت افغانستان در تاجیکستان از حضور هنرمندان برجستهٔ کشور، از جمله آریانا سعید، فرهاد دریا، میر مفتون، طاهر شباب و مریم یورش قدردانی کرده و نقش آنان را در گسترش دوستی و همدلی میان مردم افغانستان و تاجیکستان ارزشمند دانسته است.
این دیدار، نمونهای دیگر از تقویت روابط فرهنگی و انسانی و برجستهساختن جایگاه «افغانستان کوچک» بهعنوان فضای امن برای هنر، دانش، وحدت و پیوندهای تمدنی عنوان شده است.
