قزاقستان باش وزیری اورین باسری کابل ده کی سفری دوامیده بگون طالبان حکومتی نینگ اقتصادی بولیم اورین باسری ملا برادر بیلن اوچره شگن.
معلومات لرگه کوره٬ ایککی تمان اوشبو اوچره‌شووده افغانستان و قزاقستان اورته‌سیده کی سودا، اقتصادیات و ترانزیتی مسئله‌لر اوستیده بحث آلیب بارگن.
طالبان تمانیدن ترقه تیلگن خبرنامه گه کوره، غنی برادر و سریک جومانگارین، آست قورمه لایحه‌لر بولیمیده ایکّی تامانلمه مناسبت‌لر کینگه‌یتیریلیشی حقیده بحث اېتگنلر.
قزاقستان باش وزیری اورین باسری سریک جومانگارین، بوگون توشدن آلدین بیر هیئت باشچیلیگیده، قزاق-افغان سودا مجموعه‌سینی اوتکزیش اوچون کابل گه کریب کیلدی.
قزاق-افغان سودا مجموعه‌سی ایکّی مملکت مسئوللری و خصوصی سکتور وکیللری‌نینگ حضوری بیلن اېرته سه شنبه اوتکزیلیشی کوتیله‌دی.
