قندهار ولایتی‌ده کی محلی منبع لرگه کوره؛ تانیق سیز قوراللی شخص‌لر اوتگن کون پنج شنبه بیر مسجد امام‌نی خاک ریز تومه‌نی نینگ زیل آباد منطقه سیده آتیب اولدیرگن.
منبع گه کوره؛ ۴۰ یاشیده بولگن بو مسجد امام نینگ آتی شاغاسی ایکن٬ زیل منطقه سی نینگ برمو دیگن مسجدیده امامت قلرایکن.
طالبان نینگ قندهار ولایتی‌ده کی امنیه قومندان لیگی بو خبرنی تائید ایتب ایتگن که ملا امام شخصی دشمن لیک لر سبب هلاک ایتلگن.
سونگی اون کونده بو ایککینچی ملا امام که تانیق سیز قوراللی شخص‌لر تمانیده مذکور تومن ده قتل ایتله دی. بوندن آلدین ۲۷ حمل ده هم عین بیر قضیه صورت آلیب بیر ملا امام قتل ایتلگن ایدی.
