افغانستان تورکتبار عیاللری نینگ حرکتی آچیق بیر مکتوب آرقه لی، طالبان تامانیدن فاریاب، جوزجان و سرپل ییرلری، پاکستان‌دن آلیب کیلینگن ناقل لرگه ترقه لیش دن خواطر بیلدیرگن.
بو حرکت نشر قیلگن مکتوبی‌ده، طالبان بو ریجه‌سی انیق بیر سیاسی و قومی مقصد اساسیده بولگه نینی ایتب تاکیدقلگن لر«بو مساله منطقه یشاوچیلرینی خواطرده قویگن، چونکه مهاجرلر کیم‌لیگی حقیده بیلگی بولمه‌گنی، قرمه-قرشی‌لیکلر، ایشانچ‌سیزلیکلر و قومی جنجللرنی اورته‌گه آلیب کیله‌دی.»
شو نینگ دیک تورکتبار عیاللر؛ طالبان باش وزیری نینگ اداری اۉرین باسری عبدالسلام حنفی‌گه خطابا ایتگن لرکه «سیز افغانستان تورک خلقی تاریخی ییرلرینی اولر ناراض بیرحالده باشقه‌لرگه تاپشیریش‌گه حقینگیز یۉق»
اولر شونینگ دیک اوز مکتوب لریده تازه قوریلگن شهرچه لرده مهاجرلر جایله‌شتیریلیشی جریانی تۉخته‌تیلیشی، مهاجرلر کیم‌لیگی انیق‌لنیش، بو ریجه توغریسیده محل یشاوچیلری بیلن مصلحت بولینیشی و بو مساله خلق‌ارا طرف‌سیز تشکیلات‌لر آرقه‌لی تیکشیریلیشی طللب قیلگن لر.
