دوستم بنیادی تشبثی بیلن اوتکزیلگن بو ییغین‌ده، اونلرچه اوزبیک – ترکمن سیاسی و مدنی فعاللری اشتراک ایتب٬ افغانستان تورک لری نینگ حاضرگی احوالی و موجود معمالری محاکمه قلینگن.
یغین بگون شنبه ۳ –جوزا آچیلیب افغانستان‌لیک اوزبیک-ترکمن بیلیمدانلری و سیاسی چهره لریدن تشقری میزبان مملکت و باشقه تورکی مملکت لر دن هم تحلیل چیلر و بیلمدانلر چقریلگن.
اشتراک چیلر، انقره ییغینی نینگ افغانستان تورکلری اوچون مهم و بیر باشلنغیچ بولیشی ممکین لیگی گه تاکید قلگن.
یغین اشتراک چیلریدن بولگن باتور دوستم، انقره ییغینی افغانستان تورکلری اوچون اوتمیش‌دن سبق آلیب، قیته باشله‌شگه یول آچهدی دیب فکر بیلدیرگن.
بو اولتریش تورت باسقیچ ده بولیب اوته دی و افغانستان تورکلری نینگ سیاسی، تاریخی و فرهنگی مساله‌لریگه عاید تورلی موضوع لر اوستیده بحث تحلیل و یول یوروق لر قدیریله دی و حلی اوچون چاره تدبیرلر کوریلیب محاکمه ایتله دی.
شونینگ دیک ییغین یکونیده هم قوشمه بیر بیانات نشر ایتیلیشی معلوم قیلینگن.
