جمهور رئیس غنی، توناون آقشم، توگره ک محیط نی سقلش ملی اداره سی نینگ اعضالری بیلن کوریشگن، کورشو ده مذکور اداره مسئوللری ینگی ییل ده نهال ایکیش و اونینگ سقلب قالیش توغریسیده گی گزارش لرینی جمهوررئیس که ارائه ایتکن.
توگره ک محیط نی سقلش اداره سی عمومی رئیسی شاه زمان میوندی، جاری ییل ده مملکت بویلب توگره ک محیط نی سقلش ملی اداره سی ۲۵ میلیون نهال ایکیشنی نظرده توتگه نینی ایتب، بو توغریده خلق نینگ همکارلیگی آشگن و دولت اداره لری اینیقسه ایکینچیلیک و چارواچیلیک، قیشلاقلرنی رواجلنتیریش، شهر قوریش وزیرلیک لری همده محلی ارگانلر اداره سی و بلدیه لر اورته سیده یخشی همکارلیک و هماهنکلیک لر صورت آلگنی نی اورغوله گن.
شونینگ دیک جمهور رئیس غنی بواولتریش ده، نهال ایکیش و اورمانلرنی سقلب قالیش خصوصیده آلمان و جنوبی کوریانینگ موفقیت بیلن آلغه آلیب بارگن ریجه سیگه اشاره قیلیب، توگره ک محیطنی سقلش ملی اداره سیگه فعالیتلرینی آلدیندن کوره کوپ راق تیزلشتیریشلرینی ایتکن.
جمهور رئیس غنی، شونینگ دیک اورمانلرنی قیته تیکلش، ایکینچیلیکنی کینگه یتیریش و سوونی باشقریش خصوصیده داکتر ناکامورانینگ لایحه لریدن فایده له نیلیشی گه هم تاکید قلگن.