فاریاب ولایتی ده ینگی دن تعین ایتیلگن حاکم خصوصیده حکومت قراریگه قرشی ناراضی لیک نمایشلرکینگه یب بارماقده.
حکومت قراریگه قرشی بگون٫ فاریاب ولایتی نینگ اندخوی تومنی٬ جوزجان ولایت مرکزی ومزار شریف شهرلریده کینگ ناراضی لیک نمایش اویشتریلدی.
بلخ ولایتی نینگ یشاوچی لری ناراضی لیک نمایش یولگه قوییب ولایت لر حاکمی، بلدیه لرباشلیغی و اولوسوالیک لر حاکمی خلق تمانیدن سیله نیشینی طلب قلگن لر.
جوزجان ولایتی نینگ مینگلرچه یشاوچی لری هم بگون شبرغان شهریده کینگ ناراضی لیک نمایش یولگه قوییب محلی ارگان لر اداره‌سی نینگ فاریاب ولایتی اوچون تعین قیلگن ینگی حاکمی قراری نی قیته کوریب چقیش نی طلب قلگن لر.
فاریاب ولایتی نینگ اندخوی اولوسوالیگی احالیسی دن یوزلب چه سی هم بگون جاده لرگه چقیب ینگی دن تعین ایتیلگن حاکم گه قرشی لیک بیلدیرگن.
نمایشچی لر، مرکزی حکومت دن فاریاب ولایتی اوچون تعیین ایتلگن حاکم توغریسیده کی قرار نی اوزگرتیریشی نی سوره‌گنلر.
بوندن آلدین فاریاب ولایت مرکزی میمنه شهری احالیسیدن یوزلب چه سی هم حکومت قراریگه ناراضی لیک بیلدیر گن ایدی لر.
شونینگ دیک مارشال دوستم هم حکومت نینگ قراریگه ناراضی لیک بیلدیریب٬ حکومت بوقرار نی اوبیلن مصلحت قلمس دن آلگه نینی ایتب٬ جمهوررییس نینگ جمهوریت تیزیمی دن تنقید بیلدریب اونی ارگ ده بولگن اوچ تورت کشیگه تیگشلی بولگه نینی ایتکن ایدی.
شونینگ دیک حکومت نینگ بوقراری اجتماعی ترماغلرده هم کینگ ناراضی لیک لرگه سبب بولدی.