طالبان حکومت نینگ عامه درامدلر وزیرلیگی، سالنگلر جاده سی نینگ یریم قالگن ایشلرینی اساسی شکلده قیته قوریشی اوچون بو جاده نینگ قربان هییتی اوتیشی بیلن بوتون یوک تاشووچی موترلر یوزیگه یاپیلیشینی معلوم قیلگن.
عامه درامدلر وزیرلیگی سۉزچیسی محمداشرف حق‌شناس، بوگون (یک‌شنبه) بیرگن بیاناتی‌ده سالنگلر عمومی جاده سی نینگ ۲۰-جوزادن باشلب ییل اداغیگه چه یاپیق قالیشی‌نی ایتکن.
حق‌شناس‌گه کوره، بو ایشدن اساسی مقصد، قیته قوریش ایش جریانی تیزلشتیریلیشی، یشاوچیلر، هیداوچیلر و سوداگرلر اوچون قولی‌لیک‌لر یره‌تیش بولگن.
عامه درامدلر وزیرلیگی، کیچیک یوک تاشووچی واسطه‌لر نینگ نوبت شکلده-بیر کون شمال‌دن جنوب گه قره ته و باشقه کون جنوب‌دن شمال گه قره ته آچیلیشی و کیچیک همده بویوک یوک تاشووچی موترلر ۲۴ ساعت نظرگه توتیلگن فرعی یوللردن فاده‌له نیش لرینی ایتکن.
سالنگلر جاده سی، افغانستان اقتصادی اهمیت گه ایگه یوللریدن بیری حسابله نیب، افغانستان شمال‌ی ولایت لرینی کابل همده مرکزی و جنوبی ولایت‌لرگه باغله‌یدی.
