طالبان نینگ یوقاری مرتبه‌لی هیئتی، تاشکینت خلق‌ارا ییغین‌ده اشتراک ایتیش مقصدیده اوشبو مملکت تمان جونب کیتگن.
طالبان گروهی نینگ صناعت و سودا وزیرلیگی، بوگون دوشنبه (۱۹-جوزا) ایکس صحیفه‌سیده بیر اعلامیه ترقه‌تیب، نورالدین عزیزی باشچیلیگیده طالبان نینگ یوقاری مرتبه‌لی بیر هیئتی اوزبیکستان گه جونب کیتگنینی معلوم قیلگن.
اعلامیه اساسیده، طالبان هیئتی اوزبیکستان حکومت نینگ رسمی چقریغی گه اساس بو مملکت تمان جونب کیتگن.
بو سفردن مقصد، تاشکینت خلق‌ارا سرمایه یاتقیزیش ییغینی تورتینجی دوریده اشتراک ایتیش و بو ایککی مملکت اورته‌سیده سابق بیریلگن وعده‌لرنی عملگه آشیریش بولگن.
تاشکینت خلق‌ارا ییغین‌ده جمهور باشلیغ، باش وزیر همده وزیرلر درجه‌سیده بولگن قریب ۱۰۰ مملکت‌وکیللری اشتراک ایتشی ممکین .
معلومات‌لرگه کوره طالبان هیئتی اقتصادی و سودا علاقه‌لرنی کینگه‌یتیریش مقصدی بیلن اوزبیکستان و باشقه بیر قنچه مملکتلروکیللری بیلن ملاقات اوتکزیشی ممکین.
