بویوک بیلم‌دان، شاعر، سیاست‌چی و شرق رنسانس اساسچی‌لریدن ایککی زبردست انسان حضرت میرعلی شیر نوایی و سلطان ظهیرالدین محمد بابر نینگ توغیلگن ییل‌لری نینگ طنطنه‌لی جشنی اوتکزیلیشی ممکن.
بوتد بیرنی عملشتیروچی لردن بیری استاد حسام الدین تویغون نینگ #ایل‌میدیا گه ایتیشیچه، بوگون میمنه شهری نینگ تورلی ساحه لریده مدنیت و تیل اوستاذلری نینگ صورتلری قوندیریلدی٬محفل ایسه کیلگوسی پنج‌شنبه کونی بولیب اوته دی.
تویغون جنابلریگه کوره؛ مدنیت‌چی کیشی‌لر، استاذلر، شعرا، یازوچی‌لر و نوایی همده بابرنی یخشی کوره‌دیگن برچه کیشی‌لر بو محفل گه چقیریلگن.
محفل فاریاب ولایتیده، اوچ کون دوام ایته دی و اوزبیکی کییم لر٬ خطاط لیک و اوزبیکچه/ تورکچه اوقاتلر کورگزمه سی هم بولیب اوته دی٬ استادتویغون گه کوره فاریاب فرهنگی یاشلری چهارشنبه آقشم خمسه خوانلیک بیلن بو اوچ کون لیک محفل نی باشلیدی لر.
شونینگ دیک، اوشبو طنطنه‌لی تدبیرده نوایی و بابور حضرلری کتاب لریدن گلچین بولیب باسیب چقاریلگن اوچ اثر هم جمله‌دن “بابورنامه” نینگ آچیلیش مراسمی بولیب اوته دی.
