فاریاب ولایتی نینگ دولت آباد تومنی‌دن یتب کیلگن خبرلرگه کوره بو ناراضی لیک نمایش قربان هییتی نینگ ایکینچی کونی بیر دعوا اوستیدن چیققن جنجل لرسبب نیچه ییگیت نینگ حبس گه آلینگنی آرتیدن یولگه تشله‌نگن.
معلومات لرگه کوره بو اولسواللیک‌ده اوزبیک و پشتون یاشلری آره‌سیده جنجل یوز بیریب نتیجه‌ده طالبان اوزبیک یاشلری و بیرنیچه قوم آقسقاللرینی حبس گه آلگن.
منبع‌لرنینگ ایتشی‌چه ، جنجل بیر قنچه پشتون ییگیت، کوچه‌دن اوته‌یاتکن اوزبیک قیزلریگه گپ آتگنیدن کیین باشلنگن٫ اوزبیک ییگیت‌لری قیزلرگه گپ آتکن پشتون ییگیت‌لرنی کلتک‌له‌یدی و بو واقعه‌دن کیین طالبان پشتون ییگیت‌لردن حمایه قیلیب، اوزبیک ییگیت‌لرنی حبسگه آله‌دی.
معلومات لرگه کوره اهالی طالبان نینگ بو عملی گه قرشی ناراضی لیک اویشتریب حبس گه آلینگن‌لر نینگ قویب یوباریلیشی اوچون امنیه قوماندانلیگی گه کریب بارگن لر، شونینگ دیک طالبان نمایش گه قرشی چیقیب، باشقه کوپراق کیشی لرنی هم قماققه آلگن.
فاریاب ولایتی نینگ محلی رسمی لری هلیگچه بو توغریده هیچ نرسه دیمه‌گن.
ایریم معلومات لرگه کوره نمایش چیلر امنیه قوماندانلیگی بناسی‌گه کریش پیت لری « یشه سین مارشال دوستم» دیب شعار بیرگن لر.
ایریم منبع‌لر یوزگه یقین کیشی‌لر طالبان تمانیدن توتیق له نیب حاضر هم طالبان استخبارات مسئوللری مردم لرنینگ اویی گه کریب ناراضی نمایش چیلر نینگ توتیق لش گه دوام بیره یاتکه نینی ایتکن لر.
