ناراضی نمایش چیلرگه کوره، حاضرگه‌قدر حکومت تامانیدن اولرایستکلریگه هیچ بیرتوجه بولمه‌گن.
فاریاب ولایت نینگ ینگی دن تعیین ایتلگن حاکمی محمدداوود لغمانی ایککی کون آلدین ملی اردو بیرینچی لواسیده فاریاب حاکمی صفتیده تانیتیلدی
ملی اسلامی جنبش حزبی طرفدارلری فاریاب ولایت مقامی نینگ کیریش ایشیگی‌نی باغله گنلر، مارشال دوستم اوز طرفدار لریگه اوق آتیش بویروغی‌نی بیرگن
شونینگ دیک میمنه شهری اهالی سیدن یوزلب چه سی اوتگن کونی تورلی قوراللر آرقه‌لی میمنه جاده‌لریگه چیقیب ترکستان بیراقی‌نی کوتاریش بیلن قدرت‌لرینی نمایش‌گه قوییگنلر.
شونینگ دیک، بعضی بیرمعلومات لرگه کوره، حکومت اوشبو ولایت هوا قونالغه‌سیده هیچ‌بیر اوچاغ‌گه قونیش و اوچیش رخصت نی بیرمه گن.
ناراضی نمایش چیلرمعلوماتیگه کوره، فاریاب ولایت اهالیسی نماینده‌لری بلخ ولایتیدن فاریاب ولایتی‌گه کیلیب اعتراضچی‌لرگه قوشیلیش‌نی ایسته‌گن، لیکن حکومت رخصت بیرمه‌گن.
فاریاب ولایتی نینگ قوم آقسقاللری و مدنی جماعه فعال‌لری، حاضرگی وضعیت‌دن خواطر لیک بیلدیریب بو وضعیت‌نی دولت و اهالی منفعتی‌گه بیلمه‌یدیلر.
اولرمرکزی دولت دن تیزده، وضعیت نی حلی اوچون چاره تدبیر کوریشی نی ایسته ماقده لر.
بوعین حالده کی، ینگی حاکم بگون امنیتی کمیته اوتکزیب امنیتی وضعیت نی تیکشریب، اهالی ناراضی لیگینی گوزگه ایلمس دن وظیفه سیگه دوام بیریش گه تاکید قلماقده.
او توناوون هم بیر ویدیو نشر قیلیب فاریاب یشاوچی‌لریگه خذمت قیلیش اوچون کیلگنی‌نی بیلدیرگن ایدی.