فاریاب بیلیم یورتیده کی منبع‌لر نینگ تصدیق‌لشیچه، بو بیلیم یورت استاد لریدن ۶۶ ته سی، طالبان بویروغ گه اساس ایش دن بوشه تیلگن.
منبع‌لرگه کوره، فاریابده ایشدن بوشه‌تیلگن بیلیم یورت استادلری جمله‌سیده ۴۰ گه یقینی عیاللر بولگن.
معلومات‌لرگه کوره، طالبان فاریاب بیلیم یورتی نینگ فقط گینه تعلیم وتربیه فاکولته‌سیدن، ۱۵ اوزبیک بولگن عیال استادلرنی ایشدن بوشه‌تیب و پشتون بولگن استادلرنی سقلب قالگن.
معلومات‌لرگه کوره فاریاب بیلیم یورتیده کی اوزبیک عیال استادلردن بیرنیچه ته سیدن باشقه بری سی بوتونلی ایشدن بوشه تیلگن. بوشه‌تیلگن استادلر اورته سیده، تجربه‌لی همده یوقاری علمی عنوان‌گه ایگه کیشی‌لر هم بار ایکن.
سونگی پیت لرده طالبان کوپنیچه اداره لرده ایشچی‌لرنی ایش دن بوشتماقده٫ قاله ویرسه ایش دن بوشه تیله یاتکن ایشچیلردن کوپ راغی باشقه قوم لرگه منسوب، بو طالبان نینگ تک قومی سیاستی دیب عنوان بیریلب و طالبان نینگ بو عملی جدی تنقید لر گه سبب بولماقده .
