اۉزبېک تیلی ملی بیره‌می کونی مناسبتی بیلن افغانستان ملی اسلامی جنبش حزبی نینگ رهبری مارشال عبدالرشیددوستم نینگ قوتلاو پیامی.
تېنگری تعالی آتی بیلن؛
عزیز و قدرلی اۉلکه‌داشلر!
آنه تیلیم، اۉزبېک تیلی ملی بَیره¬می کونی مناسبتی بیلن قوتلاو پیامی بېریشیمدن بغایت خرسند من. چونکه اوشبو کونلر بوتون دنیا تورکی تیللی خلق لری اَینیقسه افغانستان اۉزبېک خلقی اوچون مبارک کون سنه¬له¬دی. منه شو موضوع گه یره‌شه، اۉزبېک تیلی ملی بَیره‌می نینگ افغانستان تقویمی گه کیریتیلیشی اوچون زحمت چېککن کیشی لرنینگ هربیریدن منتدارچیلیک قیلیش بیلن، اۉزبېک تیلی ملی بَیره¬می نی برچه اولکه داشلر گه قوتلوغله-یمن.
بوگوندن ۱۹ییل آلدین، قنچه قیین‌چیلیک لرگه دوج کېلیب، اۉلیم تهدید لری بیلن اوچره‌شب، بیرقطار وطن سېور و تویغولی ملت وکیللری باشچلیگیده باتیرلیک و جسورلیک بیلن قریب ۲۱ کون قتیغ کوره‌شیب، شمسی ۱۳۸۳۔ ییلی و جدی آیی نینگ ۱۴۔ کونیده، اۉزبېک۔تورکمن تیللرینی افغانستان نینگ اساسی قانونی نینگ ۱۶۔ ۴۳ ۔ ماده لریده، اوچینچی رسمی تیل دېب کیردیردیک. بیزنینگ کوره‌ش لریمیز و وکیل‌لر نینگ تلاش لری سبب‌لی پشه‌یی، نورستانی، براهونی … تیللر هم اوشبو مقام گه اېگه بولدیلر. لیکن، تیلیمیز، تاریخیمیز، خلقیمیز و یورتیمیز دېب سیاسی کۉره شیش لری یانیده عدالت سیزلیکلرگه قرشی حربی مبارزه لرقیلیب، عدالت اۉرنه تیش اوچون، اوشبو داعیه آستیده مینگلرچه قهرمان ییگیت لریمیز نینگ قیزیل قان لری لاله زار بۉلگن.
اساسن منه شو یوتوق لر هم اوشبو نامراد شهیدلریمیز، فدایی ییگیت لریمیز، جانکویر آته خانلریمیز و کوره‌ش‌چی آپه۔ سینگیللری‌میز قهرمانلیکلری نینگ محصولی دیر. الله تعالی درگاهیدن شهیدلریمیزگه جنت لر تیله‌ب، اینیقسه شهیدلرعایله لری و اولرنینگ یوللرینی یوللب کیله یاتگن رهروان لری گه تیل بیره‌می نی تبریکلش بیلن ساغ لیک و موفقیت لیک آرزو قیله‌من.
افسوس که، متعصب دولت حاکم لری نینگ بیرقطار سیلیقه‌ی و اۉزباشیمچه لیک فکر و اۉیلاولری باعث، اۉزبېک تیلی یوکسه‌لیشی اوچون قانیقرلی ایش لرعملگه آشمه‌دی. لیکن بیر قطارکۉزگه کورینرلی عملگه آشگن ایشلرهم، اوشبو تیل خادم لری، جانکویرلری و فرهنگی لری تمانیدن بجریلگن، منه شو بَیره‌م طفیلی تیلی و فرهنگی اوچون جانکویرلیک بیلن تکلیف تارتیب، اثرلر یره تگن لرگه هم صمیمی منتدارچیلیگیم نی بیلدیره من. اوشبو اۉزبېک تیلی ملی بَیره‌می نینگ افغانستان تقویمی گه کیریشی هم، ییللر بۉیییچه کوره‌شیب کېلیشیمیز نینگ ثمره لری دیر.
حقیقتن، افغانستانده گی تورکی خلق لرنینگ بابا و اجداد لری چون، غزنوی لر، سلجوقیلر، تیموری لر، بابری‌لر، شیبانی لر، اشترخانی لر، عثمانی لرو… تاریخ دوامیده، تاریخی یادگارلیک لر قۉییب کېتگن لر، اوشه فخرلی یادگارلیک‌لر نه یلغوز تورکی خلق‌لر اوچون بلکه برچه افغانستان خلقی اوچون افتخارلی دیر. منه شونده‌ی افتخارلی اۉتمیش گه اېگه بۉلگن اۉزبېک۔ تورکمن خلق لری هرقنده‌ی مقته‌ش و امتیاز گه سزاواردیر. اساسن،۲۹۔ میزان، اۉزبېک تیلی ملی بَیره‌می کونی آتی بیلن اته‌لیب، افغانستان تقویمی گه کیریشی هم زحمتکش و درد کورگن مبارز خلقیمیز کوره‌ش لری نینگ نتیجه‌سی دیر.
قدرلی وطنداشلریم:
هر قرانغو کون نینگ یاغدولیگی بار، اوشنده ی یوقاریده ایسله‌گنیمیزدیک، اۉزبېک۔ تورکمن خلقی اۉتمیش تاریخ گه اېگه، قوریمه‌ی‌دیگن ذېنگیز صاحبی دیر، نامشروع ترورستیک طالبان گروهی بویروغی و حمایتی بیلن بویوک بابالریمیز و تاریخیمیز بیراق‌دارلری امیرعلیشیرنوایی، امیرتېمور صاحبقران و مخدومقلی فراغی لر نینگ صورت لرینی ییرتیب و یوزلری گه رنگ بویه‌ش و شهید لریمیز نینگ مبارگ مقبره لرینی بوزیش بیلن بو بویوک ملت نینگ تاریخی یوقالمه یدی، بلکه تاریخیمیز کوچه ییب، بویوک بابالریمیز کون اۉتیشسی بیلن کۉنگیللرگه محبوبراق بوله‌دیلر. سیزلرهم استوارلیک بیلن تیلینگیز و فرهنگیمیز یوکسه‌لیشی اوچون ریجه لی مجادله و کوره شیش لرینیگیز شرط. بیز هم تینج اۉلتیرمه‌ی خلقیمیز و یورتیمیزنینگ ترورستی وضعیت لردن قوتقزیش اوچون سیاسی مبارزه لر قیلیب کېلماقده میز، اگر، سیاسی هدفلریمیزگه اعتبار بېریلمه‌ی، عملگه آشمه گنده، ریجه لر اساسیده ، اېل۔ اولوسیمیزنینگ حربی کوره ش لر بیلن تروریستی گروه لردن نجات بیریش گه امین میز.
سۉز سۉنگیده کونگیل بیلن، ۲۹۔ میزان، اۉزبېک تیلی ملی بَیره¬می نی قوتلوغلب، اۉزبېک ۔ تورکمن فرزندلری، اینقیسه یازووچی لر و شاعرلریمیز، کوچلی جسارت بیلن، ملی غرورلری بۉلگن آنه تیللرینی یوکسلتیریش اوچون اۉقیب، اۉرگه‌نیب، اثرلر یازیش لرینی ایسته‌یمن. چونکه کېله‌سی نسلیمیزاوچون بیزلردن قاله دیگن نرسه، معنوی سرمایه لریمیزدیر.
مارشال عبدالرشید دوستم
