ملی اسلامی جنبش حزب رهبری مارشال دوستم، مقاومت جبهه سی اعضاسی بولگن خیرمحمد خیرخواه دن یادلش مراسم ده لندن ده صحبت قلیب ایتگن که، افغانستان ایرکین لیگی اوچون اقدام قله میز.
مارشال دوستم که بومحفل ده آنلاین صحبت قلرایدی ایتگن که:« اگرمین افغانستان ده کیریشیم بیلن، حیرتانده اولسم، باشقه ارمانیم یوق»
اوشونینگ دیک ایتگن که؛ « تعهدقله من مقاومت شهیدلری قانینی ییرده قوی‌می من وطالبان دن انتقام آله من»
او بوصحبت ده اوزبیکستان وتاجیکستان مملکت‌لریدن ایسته گن که افغانستان نینگ ایسکی ملی ارتش حربی لری اوچاغ لرینی مقاومت جبهه سی‌گه بیرسه لر.
اوشونینگ دیک، روسیه واورته آسیامملکت لری نینگ افغانستان ده کی پروژه لری خیالی بولگه نیگه تاکید قلیب تروریستی گروه لرموجودیتی باعث عملی بولمس لیگی نی ایتکن.
خیرمحمد خیرخواه که مقاومت جبهه سی قومندانلریدن ایدی طالبان بیلن اوریش ده بغلان ولایتی‌ده حیات نی غیب ایتتی.
