اونینگ کابل گه کیلیش دن مقصد، دولت نینگ عالی کینگشی ییغینی ده اشتراک ایتیش، جمهوررئیس بیلن صلح مسئله لرینی محاکمه ایتش و صلح مسئله سی توغریسیده سیاسی رهبرلر وحزب لر بیلن مصلحت آلیب باریشی ایتیلگن.
بگون مارشال دوستم نینگ تشریفی اوچون کوپچیلیک کیشی اشتراکیده شیرپورده کته ییغین ریجه لشتیریلگن ایدی. اونده ملی مصالحه رئیس عبدالله عبدالله، جمهوررئیس مصلحت چیسی محمد محقق وباشقه بیرقنچه کته کانلر اشتراک ایتکن ایدیلر.
عبدالله عبدالله بومحفل ده سوزگه چقیب، مارشال عبدالرشید دوستم گه مارشال لیک رتبه سی بیریلگنینی ینه بیر مرته قوتلیغ بولسین دیب بو رتبه نی اولکه اوچون مینگلب قربان بیریب، کوز توترلی فعالیت لرآلیب باریب، اولکه یاولری مقابل ده اوزیدن مقاومت وشهامت کورسته تیب، افغانستان خلق نینگ ارزش لریدن قوریب دفاع ایتکن و اولکه نینگ کتته تحولات لریده فعال حصه قوشگه نینگیز اوچون سیزگه بیریلگن و بو حقینگیز ایدی دیب تاکید قلگن.
ملی مصالحه رئیسی شونینگ دیک دوحه ده صلح مذاکرات نینگ باشلگنیدن خوش قرشی لب ایتگن که، اولکه ده زوروان لیکلر، اوروش وترورلردوام ایتماقده، بیزینه بیرمرته طالبان تمانیدن ایستی میز آتیش کیسین گه تن بیرسه لر، بوندن کوب مردم دی قانینی توکمه سین لر.
عبدالله عبدالله شونینگ دیک تاکید قلگن که، بیرلشگن ملت لرتشکیلاتی، ناتو، اسلامی مملکت لرسازمانی، اروپا بیرلشمه سی و منطقه مملکت لری هم آتیش کیسین قرار له نیشی گه تاکید قلماقده.
اوشونینگ دیک ایتگن که، آتیش کیسین قرار له نیشی افغانستان خلق نینگ اساسی ایستک لریدن وبو صلح مذاکراتی نینگ صداقت بیلن آلدین آلیب باریش گه زمینه یره ته دی بوریجه نی قولی لشتره دی.
شونینگ دیک مارشال عبدالرشید دوستم هم صلح ریجه سیدن آرقه لیک بیلدیریش گه تاکید قلگن، او ایتگن که صلح نتیجه بیرمه گن ده بیز اولکه دن ومردم میزدن مدافعه ایتش گه تیار میز.
اوشونینگ دیک طالبان گروهی نینگ مردم اوی، مکتب وکسل خانه لرنینگ ویران قلیش گه عیب لب، اولرگه خطاب ایتگن که بوایشلردن فایده یوق، اوریش منن موفق بولال می سیزلر صلح گه تن بیرینگلر.
