سونگی بیر آی ایچیده سکسن تورت مینگ دن آرتیق کیشی پاکستان دن چقاریب یوباریلگن.
اسلام آباد مهاجرلر گه نسبتا قتیق سیاست‌نی عملگه اشریشی بیلن٫ اوتگن بیر آی ایچیده سکسن تورت مینگ دن آرتیق افغانستان لیک مهاجر پاکستان دن چقاریب یوباریلگن.
پاکستان ایچکی ایشلر وزیرلیگی اورین باسری طلال چودری گه کوره؛ چقاریش جریانی دوام ایتماقده و مینگلب افغانستان لیک مهاجر پاکستان نینگ ترک ایتش گه مجبور لنگن.
پاکستان نینگ دون گزیته سی گه کوره یشش حجت لری بولمه گن مهاجرلر گه چقیب کیتش اوچون بیریلگن مدت اوتیز اپریل گه چه چوزیلگن. سونگی بیریلگن مدت ایسه اوتیز بیر مارچ گه چه ایدی .
رسمی معلومات لرگه کوره٫ پاکستان ده ۲٬۱ میلیون افغانستان لیک مهاجر اساسا خیبر پختونخواه ولایتی ده یشه ماقده.
پاکستان حکومتی بوسیاست نی خوفسیز لیک تهدیدات لری نینگ کوچی تریش دیب ایضاح له گن. اما مهاجرت ساحه سیده فعال بولگن بیرقنچه نهادلر و کیشی لر پاکستان بو ایضاح سینی سوال آستیگه آلیب بوندی توپلم مجبوری چقاریش لر نینگ انسانی فاجعه گه سبب بولیشی دن آگاه لنترگن.
