پاکستان تشقی ایشلر وزیرلیگی نینگ معلوم قلیشی‌چه؛ پاکستان و روسیه نینگ یوقاری مرتبه‌لی رسمی‌لری افغانستان و منطقه ده‌کی تروریزم گه قرشی کوره‌ش بوییچه همکارلیک‌نی کوچی تریش گه کیلیشیب آلیشگن.
بو کیلشو سه‌شنبه کون ۲ ثور مسکو ده ایککی مملکت اورته سیده‌کی تروریزم گه قرشی کوره‌ش گروهی فعالیت‌لری نینگ اون بیرینچی اولتریشی جریانیده صورت آلگن.
پاکستان هییت‌نی بو اولتریش‌ده پاکستان نینگ بیرلشگن ملت‌لر تشکیلاتی‌ده کی نماینده‌سی نبیل منیر و روسیه هییت نینگ ایسه بو مملکت تشقی ایشلر وزیری اورین باسری سرگئی ورشینین رهبرلیک قلگن.
پاکستانی منبع‌لر گه کوره؛ محاکمه اساسی موضوع سی تی تی پی و داعش کبی گروه لر تمانیده یوزه‌گه کیله یاتکن خوفسیزلیک تهدیدات‌لر نینگ آرتیشی بولگن. پاکستان اوزاق ییل‌لردن بیری افغانستان‌دن کیله یاتگن چیگره تشقری سی هجوم لریدن خواطر بیلدیرماقده٫ بو ایسه طالبان گروهی تمانیدن هردایم رد ایتلگن.
روسیه ایسه داعش تهدات‌لریگه دوچ کیلماقده. ایگگی مینگ ایگرمه تورتینچی ییل مارچ آیی‌ده مسکو ده کی کروکوس کنسرتی تالاریده اویوشتریلگن هجوم ده ۱۴۰ دن آرتیق آدم هلاک بولگن ایدی٬ بو تهدیدات لرنینگ جدی کورینشی دور.
یغلیش یکونیده ایککی تمان ماس استراتیژی‌لر قبول قلیش٫ ایککی تمانله مه همکارلیک‌لر نی آشریش و منطقه وی همده دنیا بویچه خوفسیزلیک نینگ تامین لش اوچون بیرگه لیک‌ده حرکت قلیش ضرورتیگه تاکید قلگن لر. نوبت ده کی یغلیش ۲۰۲۶ ینچی ییل ده اوتکزیلیشی ریجه لشتریلگن.
