معارف وزیرلیگی سوزچیسی نجیبه آرین ایتگن که، کیله سی کوکلم فصل ده باشلنه دیگن ینگی اوقوو ییلی ده اوچینچی تیللراوچون ۹۰۰ مینگ جلد درسلیک کتاب باسیب چقاریلب مکتب لرگه ترقه تیله دی .
او شونینگ دیک ایتگن که، یقینده اوشبو تیللرنی بیله دیگن طلبه لرگه افغانستان نینگ اوچینچی تیللریده گی ۷۲ مینگ جلد دن کوپ راق کتابلرهم ترقه تیلگن.
افغانستان باش قانونیده، فارسی وپشتو تیللردن تشقری باشقه محلی تیللرهم، او محلی ده رسمی تیل صفتیده تانیلگن.
افغانستان باش قانونیده، اهالی نینگ اکثریتی اوزبیک، تورکمن، نورستانی، بلوچ، پشه ئی یاکه پامیری تیللردن بیریگه گپره یاتکن بولسه بوتیل او جایده پشتو و دری تیللریدن سونگ اوچینچی رسمی تیل حسابلنه دی.
باش قانون نینگ اوشبو بندی، حکومتنی اوچینچی تیللر نی رواجلنتیریش و اوقیتیش اوچون زمین یره تیشگه مجبور قیله دی.
افغانستان نینگ بشر حق لری کمیسیونی، مملکت ده اوروش، قشاقلیک وسواد سیزلیکلر سبب محلی تیللرنینگ قیین احوالده ایکه نینی ایتگن.
بشر حق لری کمیسیونی نینگ آنه تیل کونی مناسبتی اوچون بولگن خبرنامه سیده، پامیری و اویغوری تیللر مثال طریقه سیده کیلتیریلگن و اوشبو گروه لرنینگ اکثریتی اوچون آنه تیلی ده تعلیم آلیش قیین بولگنی ایتلگن.
بشرحقلری کمیسیونی بو خبرنامه سیده، حکومت نی محلی تیللرنینگ مقامینی یخشی له نیشی و بوتیللرنی سقلب قالیش اوچون، ثمره لی چاره تد بیرلرنی قول اوستیگه آلیش گه چقیره گن.