رئیسی محمد اشرف غنی توناون توشدن آلدین اوزبیکستان تشقی ایشلر وزیری عبدالعزیز کاملوف بیلن ارگ ده اوچره شگن.
بواوچره شوو ده هر ایککی تمان افغانستان و اوزبیکستان مناسبتی کینگه ییشی، منطقوی همکارلیکلر و افغانستان تینچلیک پروسه سی حق ده فکرآلمشترگن لر.
اوچره شو دوامیده، اوزبیکستان تشقی ایشلر وزیری عبدالعزیز کاملوف، جولای آییده اوزبیکستان پایتختی تاشکینت ده بولیب اوتیشی ریجه لنگن “منطقوی علاقه لر، معمالر و فرصتلر” آتی آستیده گی کنفرانس ده قتنه شیش اوچون اوزمملکتی جمهور رئیسی نینگ چقریغ نامه سینی جمهور رئیس غنی گه تقدیم قیلگن.
او شونینگ دیک آچیق له گن که، مذکور کنفرانس ده جمهور رئیس غنی و جمهور رئیس شوکت میرضایف دن تشقری هند وپاکستان باش وزیرلری همده امریکا قوشمه ایالتلری، روسیه و اروپا بیرلشمه سی تشقی ایشلر وزیرلری هم اشتراک ایته دی.
شونینگ دیک اوچره شوو دوا میده هر ایککی تمان اوتگن ایککی ییل ایچیده افغانستان و اوزبیکستان دولت لری اورته سیده اقتصادی همده فرهنگی بولیملرده امضالنگن شرطنامه لرنینگ قنده ی تطبیق بولیشی باره سیده هم بحث آلیب بارگن لر.
شونینگ دیک کورشوده سونگی ده اوزبیکستان تشقی ایشلر وزیری افغانستانده خشونت لر کمه ییشی و دایمی تینچلیک برقرارله نیشی گه تاکید قلگن .
