بغلان ولایت مسئوللری بورکه اولسواللیگی نینگ اوتگن کیچه ساعت ۱۰ اطرافیده طالبان نظارتیگه اوتکنینی ایتکن.
بغلان پولیس سوزچیسی جاوید بشارت نینگ رسانه لرگه ایتشیچه، خوفسیزلیک حربی لر بورکه اولسواللیگینی قیسقه بیرتوقنه شوودن سونگ٬ تاکتیکی روشده ترک ایتیشگن و توقنه شووده دولت کوچلریگه تلفات ییتمه گن.
اوشونینگ دیک، بورکه نی قیته ریب آلیش اوچون عملیاتگه تیارگرلیک کوریله یاتگنیدن هم خبر بیرگن.
بغلان نینگ بورکه تومنی تخارولایت نینگ اشکمش اولسوالیگی بیلن چیگره داش بولیب، بو اولسواللیک بوندن آلدین هم بیر نیچه مرته طالبان تصرفیگه اوتگن ایدی.
طالبان گروهی سوزچیلریدن بیری رسانه لربیلن بولگن علاقه سیده، دولتی کوچلرنینگ بورکه نی ترک ایتیشگه مجبور بولگنی نی ادعا قیلگن.
