میمنه شهری نینگ خراسان لیسه‌سی اوقوچیلری آق کویلک کیب باشلریگه سله اوره‌ش گن‌لر.

طالبان حکومتی تمانیدن چقاریلگن ینگی لایحه‌گه کوره٫‌ مکتب اوقوچیلری و ایرکک اوقیتوچیلر کویلک ایشتان کییب باشلریگه ایسه قلپاق کییب و یا هم سله باغلش لری شرط.
فاریاب ولایت نینگ میمنه شهری ده کی خراسان لیسه‌سی اوقوچیلری اوشبو ینگی لایجه گه بوی سونیب کورسه تیلگن لباس نی کیگن لر.
بو یونیفورمه ایلگری بیرینچی طالبان دوریده هم اوقوچیلرگه مجبورا تدبیق بولگن ایدی.
طالبان نینگ تعلیم وزیرلیگی بو قاعده نینگ مقصدی ترتیب اورنه تیش٫‌ تعلیم روحیت‌نی کوچی تریش٫ کمبغل و بای اوقوچیلر اورته سیده کی تفاوت‌نی کمی تریش همده اسلامی کیینش مدنیتی‌نی ترغیب قلیش ایکه نینی بیلدیرگن.
چقاریلگن لایحه گه کوره خصوصی مکتب لر او زیگه خاص رنگ ده کی فورمه تنلش لری ممکین٫ لیکین لایحه ماده لرینی رعایه قلیش لری کیرک .
بو لایحه‌گه عمل قلینمه گن ده٫ طلبه بیرینچی دن آگاه لنتریله دی٫‌ تکرارلنگنده اوقوچی عایله‌سی اشترا کیده مجبوری مجلس اوتکزیله دی٫‌ اولردن یازمه تعهد آلینه دی.
تعلیم ساحه سیده فعال بولگن بعضی بیلیم دانلر طالبان گروهی نینگ بو عمل نی بیکار چیلیک اوقیب٫ ایتکن‌لر که طالبان بوندی قرار لر اور نیگه تعلیم صفتی٫‌ درس لیک لر و مکتب کم چیلیک لری نینگ تامین ایتش٫‌ اوقیتوچیلر معاش نینگ کوپی تریش و قیزلر مکتب‌لری نینگ آچیش‌گه اعتبار قره ت سه یخشی بولردی.
طالبان حاکمیت گه کیلیش دن آلدین مکتب طلبه لری دریشی و پتلون قلردی٫‌ اونی آز مبلغ بیلن تامین قلیش قولی ایدی٬ افغانستان نینگ بگونگی آغر اقتصادی شرایط گه قره گنده٫‌ طالبان لایحه سیده کی یونیفورمه نی تامین لش هم عایله لرگه قیین و هم طلبه لر نی بوندی کیینش لری افراطی ذهنیت لرگه یول آچیش ایتله دی.