ترکمنستان نینگ عشق آباد شهریده اوتکزیلگن خلق ارا کوره‌ش مسابقه سیده افغانستان ملی جماعه‌سی سپورت چیلری بیرته کوموش و بیش‌ته برونز میدل کسب ایتکن لر.
اوشبو مسابقه چهار شنبه کون اون تروت آسیایی دولت‌لر پهلوان لری نینگ اشتراکی ده باشلنگن. مسابقه ده افغانستان دن اون سکیز پهلوان قتنشگن.
کوره‌ش فدراسیونی رییس سید محمود ضیا دشتی‌گه کوره افغانستان کوره‌ش چیلری عجایب نتیجه‌لر کسب ایتب آسیالیک کوچلی رقیب لری قرشی سیده موفقیت‌لی چقگن لر. تیمی بولیم ده هم افغانستان اوچینچی اورین‌نی ایگه له گن.
بگون پنج شنبه «آلیش» یونه لیشی ده ینه بیر نیچه سپورت چی میدانگه چقه دیلر. مسوولر بو باسقیچ ده هم یخشی نتیجه‌لرگه ایریشه دی دیگن امید ده لر.
