ایشانچ‌لی منبع‌لر خبر بیریشیچه؛ طالبان رهبری ملاهبت الله آخندزاده٬ طالبان حکومتی نینگ قانونی لیگی‌نی مستحکم لش و ینگی قرارلر قبول قلیش مقصدیده ریجه لشترگن لویه جرگه طرح٬ بو گروه رهبرلری اورته سیده کیلیش‌موچیلیک لر سبب کیچیک تریلگن.
مذکور خبرگه کوره٬ طالبان نینگ یوقاری مرتبه‌لی یتک‌چیلریدن بعضی‌لری جمله دن ایچکی ایشلروزیری سراج الدین حقانی٬ مدافعه وزیری ملا یعقوب٬ قزیل یریم‌آی تشکلاتی رهبری شهاب الدین دلاور و شیرمحمد عباس استانکزی کبی- بو جرگه نینگ ترکیبی و تشکیل ایتلیشی گه قرشی چقگن‌لر.
منبع گه کوره؛ بو رسمی لر ملا هبت الله گه ایلگری هم علمالر اشتراکیده کابل‌ده شونگه اوخشش جرگه اوتکزیلگه‌نینی لیکین کوتیلگن نتیجه آلینمه گه‌نینی ایسله گن، اگر ینه شونگه اوخشش جرگه اوتکزیلسه بو نفقط فایده سیز٫ بلکه فایده سیز خرجت بوله دی دیگن.
طالبان ایچی‌ده کی٬ اینقسه قندهار و کابل ده کی کوچ مرکزلری اورته سیده کی ایچکی کیلیش‌موچیلیکلر بو گروه نینگ اساسی قرار لرینی قبول‌قلیشی‌گه جدی توسیق بولیب قاله یاتکنی کوریلماقده.
