جوزجان ولایتی‌ده‌کی محلی منبع‌لرگه کوره٫ بو ولایت‌ده ایسکی حکومت حربی لریدن تورت ته سی طالبان جنگره لری تمانیدن آتیب اولدیریلگن.
منبع‌لرگه کور؛ قربانلردن بیری اخترجوزجانی بولیب٫ ایسکی حکومت ده شبرغان شهری نینگ ایککینچی خوفسیزلیک حوزه سی آمری ایکن٫ اخترجوزجانی پنج شنبه کونی «۱۵ جوزا »توشدن سونگ، بیرزمان آمری بولیب ایشله گن بنا نینگ قرشی سیده آتیب اولدیریلگن. معلومات‌لرگه کوره او قریب بیر یریم آی آلدین ایران‌دن وطن گه قیتگن ایکن.
شونینگ دیک اسمی نورالله بولگن ینه بیر سابق حربی هم که یقین ده ایران‌دن کیلگن ایکن اوی تمان باره یاتکن پیت طالبان جنگره لری تمانیدن آتیب اولدیریلگن. او آقچه تومنی نینگ «کلته شاخ » قشلاغ ده یشرکین.
منبع‌لر خوفسیزلیک تهدیدات‌لر باعث قالگن ایککی حربی نینگ اسم نی اطلاعاتی ترماغ لرگه آشکار ایتمه گن٫ اما بو ایککی حربی نینگ هم طالبان تمانیدن اولدیریلگه نینی تصدیق لنگن.
شونینگ دیک طالبان جنگره لریدن بیریگه تیگشلی بیر سیس قیدی که رسانه‌لر قولیگه توشگن اونده ادعا بوله دی‌که ٫ هلاک بولگن لردن ایککی ته سی شمال چریک لریدن ایکن و گارد واسطه سیگه مینگن ایکن لر طالبان جنگره لری تمانیدن اوق گه توتیلیب اولدیریلگن.
منبع‌لرگه کوره طالبان بو قربانلر نینگ عایله لریگه اوختریش بیریب اولر نینگ شخصی عداوت‌لر سبب نامعلوم شخص لر تمانیدن اولدیریلگه نینی بیلدیریش لرینی ایتکن.
تاکید لش لازم که طالبان نینگ قدرت گه کیلیشی بیلن٫ ایسکی حربی‌لر بو گروه تمانیدن منتظم روش ده اولدیریلب کیلماقده٫ اما تورلی خبرلر و ادعا لرباعث طالبان بونی قبول قلمی ایسکی حکومتی لرنی عفو قلیب امنیت تامین ایکه نینی ادعاقله دیلر.
