اسرائیل جمعه کونی ایرته لب ایران گه هجوملر اویوشتیریب ایران تورلی شهرلری جمله دن تهران٫ تبریز وباشقه بیر قنچه منطقه لرینی بامباردمان قلگن.
شونینگ دیک ایران هم بو هجوم لرگه بی فرق قالمس دن اسرائیل قره ته ۱۰۰ دن آرتیق درون بیلن قرشی هجوم گه باشله‌گن. اسرائیل بو درون لرنی اوز حدودیدن تشقریده توخته‌تیشگه کیریشگنینی ایتدی. اسرائیلده فوق العاده حالت اعلان قیلینگن.
ایران دولت عامه‌وی خبرلر واسطه لرینینگ خبر بیریشیچه، اسراییل نینگ ایران قره ته بولگن هجوم ده ایران نینگ یوکسک نظامی و اتمی عالم لری شامل ایگرمه کیشی هلاک بولگن.
شونینگ دیک ایران پایتختی تهران نینگ بعضی بیر ساحه لریده پارتلش لر حاضرهم دوام ایته یاتکنی خبرلری کیلماقده.
اسرائیل حربیلری ایران نینگ تورلی حربی حدودلری، شو جمله دن اتمی مرکزلرینی نشانگه آلینگنینی بیلدیردی.
شونینگ دیک پایتختدن ۲۲۵ کیلومتر جنوبده جایلشگن نطنز هسته‌وی قرارگاهی اسراییل حربی لری نینگ اساسی هجوم نقطه لریدن بولیب اونده هم ایریم پارتلش لر یوز بیرگه نی ایتلماقده٫ اما ایران مسوولری نطنز بو هجوم سبب جزیی خساره کورگه نینی بیلدیرگن لر.
اسرائیل باش وزیری بنیامین نتانیاهو هجوملرنی « قلقه‌یاتگن شیر » عملیاتی دیب نامله‌گن و اسرائیل نینگ آمان قالیشی اوچون ایران تهدیدینی برطرف ایتیش دیگن.
اونگه کوره، عملیات تهدیدنی بوتونله‌ی یوق قیلیش اوچون قنچه زمان کیره‌ک بولسه، شونچه دوام ایته‌دی.
شونینگ اسراییل نینگ ایران گه قلگن هجوم گه کوپینچه مملکت لر مناسبت بیلدیریب جمله دن طالبان اسرائیل نینگ ایرانگه قرشی عملگه آشیریلگن سونگگی حربی هجومینی قاره‌له‌گن.
طالبان تشقی ایشلر وزیرلیگی نینگ ایتیشیچه، اسرائیل نینگ بونده‌ی حرکتلری منطقه‌ده‌گی وضعیتنی ینه‌ده ضعیف و خواطرلی قیلیب قویگن.
افغانستان نینگ سابق جمهور رئیسی حامد کرزی هم ایکس صفحه‌سیده دنیاگه تینچلیک و آسایشته‌لیک هر قچانگیدن هم کوپراق لازم بولگه نیگه تاکید قلیب دنیا خلقلری ایسه دنیا نینگ برچه نقطه‌لریده اوروش النگه‌سی اوچیشینی صبرسیزلیک بیلن کوته‌یاتگنینی یازگن.
عین حالده بو آقشم بیرلشگن ملت لرتشکیلاتی ایران ایستگیگه بنا اسراییل نینگ ایرانگه قلگن هجوم گه تیگشلی امنیتی جلسه برگزار ایته دی.
