قندهار ولایتی نینگ سپین بولدک تومنیده بیر کیشی اوزی نینگ حامله دار خاتینینی آغزکی جنجل‌لردن سونگ اولدیرگن..
محلی‌منبع‌لرگه کوره؛ حادثه دوشنبه کون «۲۶ جوزا» سپین بولدک تومن مرکزیده صادر بولگن. قربان بولگن عیال نینگ اسمی سیده بولیب او قریب آلتی آیلیک حامله دار ایکن.
خبرلرگه کوره؛ ایری اونی ارقان بیلن بوغیب اولدیرگن.
قندهار ده کی طالبان مسئول‌لری حاضرگه‌چه بوتوغریده هیچ قندی بیر مناسبت بیلدیرمه گن.
بو قندهار ولایتی‌ده بیر هفته ایچیده یوز بیرگن ایککینچی واقعه بولگن٫ اوتگن هفته هم قندهار شهری نینگ بیشینچی ناحیه سیده بیر کیشی خاتینینی پچاق لب اولدیرگن ایدی.
