گلبدن بیگم ظهیرالدین محمد بابرشاه نینگ دلداربیگم ناملی خاتینیدن توغیلگن اوچینچی قزی در. گلبدن بیگم ۱۵۲۳- نچی ییل کابل ده توغیل گن .اونینگ آنه سی دلدار بیگم نینگ حقیقی اسم – صالحه سلطان بیگم بولیب ، ظهیرالدین محمد بابرمرزا نینگ عمکی سی سلطان محمد مرزا نینگ قزی ایدی .
گلبدن بیگم آته سی بابرپادشاه نینگ فرمانیگه کوره کته آنه سی یعنی همایون مرزا نینگ آنه سی –ما هیم بیگم قولیده تربیه له نه دی، ماهیم بیگم بابرپادشاه نینگ اینگ سیویم لی کته خاتینی، حکم دارنینگ خاتین لری آره سیده اینگ عقلی وبیلمدانی ایدی .
بنابرین ۱۵۲۵ نچی ییلی گلبدن بیگم نینگ ماهیم بیگم اوزتربیه سیگه آله دی، گلبدن بیگم هر ایککله آنه سینی هم صمیمی اعزازله گن. او اوزاثریده آنه سینی “دلداربیگم “دیب ماهیم بیگم نی ایسه “آنم حضرت لری “دیب تیل گه آله دی .
گلبدن بیگم ۱۵۲۹ ینگی ییل گه چه کابل ده یشی دی. بابرهندوستان نینگ قولگه کریتگیچ ماهیم بیگم بیلن بیرگه پادشاه آته سی نینگ حضوریگه آگره گه باره دی. آته سی بابر وفاتیدن سونگ، اکه سی همایون پادشاه سرا ییده یشی دی.۱۵۳۹ نچی ییل ده گل بدن بیگم نی خضرخواجه خانگه تورمیش گه چقه ره دیلر. اوبیراوغیل کوره دی اسم نی سعادت یار دیب اتیدیلر.۱۵۵۶ نچی ییلی همان یون پادشاه وفاتیدن سونگ سلطنت تخت گه اونینگ اوغلی جلال الدین اکبرشاه “۱۵۴۲-۱۶۰۵″اوتیرگیچ شاه نینگ آنه سی حمیده بانوبیلن گلبدن بیگم سرایگه قیتب کیله دیلر. انه شوندن سونگ گل بدن بیگم عمری نینگ آخریگه چه جیه نی اکبرپادشاه سرای ده یشی دی. گل بدن بیگم اوز زمانه سی نینگ عاقله دانشمند عیاللریدن ایدی. گل بدن بیگم بویوک تاریخی کتاب بولگن همایون نامه اثری نینگ اوزیدن قالدیرگن ، همایون نامه فارسچه تیلیده یازیلگن .
گلبدن بیگم اوز زمانه سی نینگ عاقله، دانشمند عیاللریدن ایدی. اوجیه نی جلال الدین اکبرپادشاه نینگ فردوس مکان وجنت آشیان حضرت حقیده کی واقعه لردن نمه ئیکه بیلسنگیز، یازینگیز”دیگن اشاره سیگه موافق “همایون نامه “ناملی عجایب ومهم تاریخی اثرینی یازیشگه کریش دی .
همایون نامه بابرپادشاه بیلن همایون پادشاه نینگ حیات طرزی وسرگذشت لری نینگ مختصرتاریخی بیلیب، منطقا “بابرنامه “نینگ دوامی دیر. بواثرنینگ مهم لیگی ینه شونده که ،”بابرنامه “اثریده کی ایریم واقعه لرنینگ کلیب چقیشی سبب لری مکمل آچیب بیریله دی .
گلبدن بیگم اوزاثریده سرای احل نینگ حیات طرزی، شونینگ دیک، تاریخی اثرلرده اوچره میدیگن بابرپادشاه خانه دانی نینگ نازک خصوصیت لری، عایله وی شرایط لر، طوی وعضا بیلن باغلیک اودوم لر، اوی – روزغاراسباب لری، کییم –کیچیک طورلری کبی جهازلرحقیده مفصل حکایه کیله دی. اما افسوس که اثرنینگ آخر گی قسمی اوشه زمان نینگ سورونلی ییللریده یوقالیب کیتگن .
میرمحدی مرزانینگ “تذکره تول خواتین “اثریده کیلتریلگن “سیوگی سیزحیاتده معنی یوق “مضمونیده کی ایککی بیت گه قره گنده، گلبدن بیگم نینگ غزلیاتیدن هم خبری بولگن .
“اکبرنامه “اثری نینگ مولفی ابوالفضل نینگ بیرگن معلوماتیگه قره گنده، ۱۵۷۵ نچی ییل ده گلبدن بیگم قبت الله زیارتیگه جونب کیته دی و۱۵۸۲ ییل ده کوب قیین چیلیک لربیلن زیارت گاه دن قیتب کیله دی. ابوالفضل نینگ یازیشیچه، گلبدن بیگم ۱۶۰۳ ییل ده ۸۰ یاشیده وفات ایته دی.
اکبرپادشاه اونی کته حرمت واحترام بیلن دفن ایتتره دی. اکبرپادشاه نینگ اوزی گلبدن بیگم تابوت نی اوغیل صفتیده کوتریب دفن مراسم ده اوغیل لیک برج نی احتمام گه یتکزه دی .
تورغون فیض وه نینگ “تیموری ملکه لر” کتاب دن .