اوزبیگم
چوق عصر لر یاونی قووغان اوزبیگم
تاریخ بویی قیلیچ اورغان اوزبیگم
تورک و‌توران ایل خوران ارسلان
مینگ عصرلر ایچره خاقان اوزبیگم
عالم اوزره شاه و سلطان سین ایدینگ
سینگه تینگ داش ملک خراسان اوزبیگم
بغیر یوره ک مغز و مییه نگ ایزیلدی
یاو تیغیگه کوکسی قلقان اوزبیگم
سول و سوبری، خوروبات قویدینگ قدم
آت مینیب آیوونی قووغان اوزبیگم
جیم یورتینی قیلدینگ سین زیر و زبر
ییر یوزیگه خان و تُرخان اوزبیگم
قد قامتینگ یاو آلدیگه ایکمدینگ
کوک تاقیگه قویدینگ نروان اوزبیگم
معرفت ترماغیده یکه و تنها سین ایدینگ
شعریت میدانیگه کوکسی آسمان اوزبیگم
ظلم پایه سین، سین لرزان ایله دینگ
عدل و داد، بناسین قورغان اوزبیگم
اوز و اوزگه سینگه چوق حیراندور
توران اوچین سینه قلقان اوزبیگم
سال و سول و خوربات نی سقله گن
تاریخ ایچره دوران سورگان اوزبیگم
آدم ایچره کورمدیم سیندیک تویغولی
الله یولیگه سینه بریان اوزبیگم
آچون اوزره یوق سیندیک ایزگولی
سین ایدینگ دایم تابع قرآن اوزبیگم
بار عمرینگده راهنمانگ فرقان ایدی
روح و تن، فدا و قربان اوزبیگم
تورک و توران قوزغلان ایل بیچاره دور
تورک آییل، دردگه درمان اوزبیگم
تون و کون و آی ییل ایل دربدر
ایلک و سون ناجی توران اوزبیگم
تورک توران، ایل خوران غم ییمه
تورک ایچره ایرکین اوغلان اوزبیگم
تورک و توران بانی چوق قاآن لر
تاریخینگدور اوته رخشان اوزبیگم
آیو و جیم، گول و فرنگ و یازنه سی
آیاغینگ آستیگه اولوک ایلان اوزبیگم
تورک و توران، تاریخینگ چوق اوقوگین
مشرب قانی قیلدی طغیان اوزبیگم
قیو تیل ایله سویله ی نی تیل بیله کویله ی
قان و قوزینگ موج توفان اوزبیگم
توماریس آنه میز توکدی کوروش قانینی
تورک خاتونی، فاتح ایران اوزبیگم
بانی رنسانس خاور سین ایدینگ
مغز و میّه نگ، منگو جوشان اوزبیگم
هادی رنسانس باختر سین ایدینگ
قیلدینگ حیران ایل جهان اوزبیگم
قوزغلان تورک، ایندی سین اندک آییل!
سیاست ترماغیده بیتته مرجان اوزبیگم
تور اورنینگدن، قوی تیزراق سین آدیم
یاو و یات نی چوق سویغان اوزبیگم
تاریخ بشرگه تورمدیم سیندیک طایفه نی
اوروش میدانیگه بارس و قاپلان اوزبیگم
ایسکی و ینگیده تاپیلمس دُر سن
اینجولر آراسنده دُر و مرجان اوزبیگم
تاریخ توزدیک، دریغا! یازمدیک
بیز تاریخینی باشقه یازغان اوزبیگم
توقماق و قیلیچ بیلن یاونی نابود ایله دینگ
مینگ عصر لر یای اورغان اوزبیگم
آلتای و آقساچ تیانشان سیزنیکی
اونینگ اوچین دایم پاسبان اوزبیگم
ایلک و سون بانی تمدن ایدی سومری
عالم اوزره مدنیت قورغان اوزبیگم
بانی مایا و اینکا و آزتک سین ایدینگ
بانی تمدن خوارزم و اورخان اوزبیگم
کهنه تاریخ شاده سینده بانی تمدن ایدینگ
بانی تمدن آریانا و ایران اوزبیگم
چین و ماچین ترماغیده اورخون خطی
سین اُوغان مخترع بولغان اوزبیگم
ادِم تاریخ شاده سینده بلخ کیندیک ایدی
تاجدار توران و خوران اوزبیگم
سین ایدینگ بانی بلخ باستان
توغدار بلخ و تورکستان اوزبیگم
تاریخینگده یوق بیرن گرد و غبار
توران اوچین یاونی قیرغان اوزبیگم
بایقرا و نوایی و مشرب فرزند سن
تویغولی و ایزگو ارمان اوزبیگم
افراسیاب و ارجاسب دلبندسن
توران ایچره یکه سِرلان اوزبیگم
تیمور و شاهرخ و بابر جگربندسن
یاو قرشیگه کوره ش قیلغان اوزبیگم
سین ایدینگ دایم توران ایگه سی
ایلکدن بویان ایلینگ ایرکان اوزبیگم
چنگیز و باتو سینگه جفا ایله دی
سین قاشینده یاو توبان اوزبیگم
خور و بات سینگه عداوت ایله گی
سین اُوغان شیر غراّن اوزبیگم
سول و سوبری سینی آرام قویمه گی
یاو قرشیگه تورکتازان اوزبیگم
ایل و تیل و یورتینگ ایرکین ایمس
اوشبو حال، ناجی توران اوزبیگم
جهان اوزره ایلباسر اولدی حالم
اوْل اجلی، تورک بولغان اوزبیگم
ییر یوزیگه سبطی اولدی فتنه گر
ایرک اوچین اینگ قهرمان اوزبیگم
تورک و تات، ینه بر بر غم ییمه
جهاد یولیگه ایوبی زمان اوزبیگم
سِرلی آسمان تاقیگه قویدینگ قدم
سیر فکرینگ کوککه چیققان اوزبیگم
اوی و چوینگ سیر فکرینگ بناسی
علم اوچین بنا قویغان اوزبیگم
بیلیم یولیگه باشقه ایللر سروری
بات و قویاش نور ساچقان اوزبیگم
بیلیم توغی آی ییل دایم ایلکیده
نور یولیگه باش بیرگان اوزبیگم
ادِم و حال و کیلدنگ امان بولغی
یوره ک بغرینگ امن و امان اوزبیگم
اوزبیگم جان، اوزبیگم جان، اوزبیگم
سینگه (اویغون) کوزی سرسان اوزبیگم
تورکمن و اوزبیک من: اوز یورتیمه ایرکمن
آنه یورتیم دور گوزه ل: توران یوزیگه بیکمن
