امریکا نینگ ایران اوستیده قلگن هجوم گه قرشی مناسبت لر.

امریکا نینگ ایران اوستیده قلگن هجوم گه قرشی مناسبت لر.

 

امریکانینگ بوگون یکشنبه ایرته‌لب تانگ پیت‌لری ایران‌نینگ فردو، نطنز و اصفهان شامل هسته‌ای سایت‌لری گه هجومیدن کیین، کوپینچه مملکت لر هجوم گه قرشی مناسبت بیلدیریب اوروش تامانلریدن بو کیسکین‌لیکنی دیپلماتیک یوللر بیلن حل قیلیش‌لرینی سوره‌گنلر.

ایران تشقی ایشلر وزیری سیدعباس عراقچی، امریکا نینگ ایران هسته‌ای مرکزلریگه هجومینی، بیرلشگن ملتلر تشکیلاتی منشوری و خلق‌ارا قاعده‌لرینی بوزیش اته‌ب، بو حرکت یامان عاقبت‌لر کیلتریش نی ایتکن.

بیرلشگن ملتلر تشکیلاتی باش کاتبی آنتونیو گوترش ایسه، ایکس صحیفه‌سیده بیر بیانیه ترقه‌تیب امریکانینگ ایران هسته‌ای سایت‌لریگه هجومینی، صلح و خلق‌ارا امنیت اوچون مستقیم تهدید اته‌گن. «بو توقنشوولر تیزلیک بیلن کنترول‌دن چیقیب، تینچ اهالی، منطقه و دنیا اوچون یامان و فاجعه‌لی عاقبت‌لر گه آلیب باریشی ممکن.» دیب فکر بیلدثیرگن.

شونینگ دیک اروپایی مملکت لر، امریکا نینگ ایران اوستیده بولگن هجوم نی قاره له می وهم تایید قلمه گن٫ اولر اوز مناسبت لریده٫ موضوع نی دیپلوماتیک یوللر بیلن حلی گه تاکید قلگن همده عربی مملکت لر جمله دن سعودی عربستان و لبنان، شونینگ دیک پاکستان هم بو هجوم نینگ آسیا بویچه کته تاثیر قالدیریشی نی ایتب اونینگ کیله جگ عاقبت لریدن آگاه لنتریب اوروش تامانلریدن کیسکین‌لیکنی دیپلماتیک یول بیلن حل قیلیش گه تأکیدله‌گنلر.

حماس و یمن حوثی‌لری امریکانینگ ایران هسته‌ای سایت‌لریگه هجومینی قاره‌لب، اسرائیل و امریکا برابریده ایران‌نی قوللب-قوتلش‌لرینی ایتگنلر.

امریکا قوشمه ایالتلری‌نینگ ایران هسته‌ای سایت‌لریگه هجومیدن کیین، ایران بالستیک راکته‌لر بیلن اسرائیل‌نینگ تورلی شهرلری جمله‌دن تل‌آویو و حیفانی نشانگه آلگن، بو هجوملر عاقبتیده چمه‌سی ۱۶ کیشی یره‌لنگن.